2016年03月01日 星期二
【強國造的】吞咗200粒安眠藥都冇事？
話說早兩日，山東青島嶗山警方收到一位同胞嘅電話，佢話自己個仔企圖喺旅館自殺，而警察趕到現場之後，見嗰個男人正正常常咁、冇咩特別，咁咪走囉。不過之後警方又收到另一個電話，話嗰個男人食咗大量安眠藥喎......er，一日兩個電話，係咪玩嘢㗎？不過人命關天，班警察當然再次衝入佢間房啦！
一入到去就見到佢瞓咗喺床，仲見到廁所垃圾筒有兩個安眠藥空樽?，咁班警察就諗住試下叫醒佢啦，點知一叫佢就醒，佢起咗身之後仲坐咗喺床度食煙?......事後佢就話自己其實係同屋企人鬧咗交，所以先離家出走，最後仲用50蚊人仔喺網上買安眠藥，不過吞咗200粒都冇事......
嗱，毛毛唔准你哋又笑9強國造嘅都係假，呢個男人就因為啲藥係假，佢先可以保住條命仔咋（不過都唔排除啲假藥會唔會對身體有其他影響...）！！！btw，以毛毛9估，其實一切都喺強國預計之內......所以仲唔快啲感謝祖國？
最後，毛毛都喺度提醒返各位，珍惜生命，切莫輕生。
封面圖片來源：齊魯網
