人總需要勇敢生存~ 我還是重新許願~ 毛毛突然咁好唱口，笨唔係因為心情好，而係畀英國一個女仔嘅經歷感動到呀！

話說呢個女仔叫Layla Skalli，七年前因為一場大火，全身90%被燒傷，醫生話佢傷勢太重，可能得返1%生存機會，但好好彩，佢最後都冇事！不過Layla就話，雖然當年戰勝咗死神，但心情依然好失落，甚至諗過自殺，而佢媽媽更因為一次意外離世，令佢傷心到要吸食毒品嚟麻醉自己......

直至三年前，Layla嘗試走出陰影，周圍去旅行散心，認真睇下呢個世界，結果？結果咪令佢變得堅強囉！重新出發嘅唔止係旅程，仲係人生，係人生呀！！！睇下佢笑得幾開心～

佢話自從佢燒傷之後，第一次覺得咁開心，仲話明白到「令自己變得討厭嘅，唔係身上嘅傷痕，而係消極嘅情緒。」

「其實冇乜好羞愧。」當Layla去到澳洲，唔再驚面對人嘅目光，仲喺大堡礁游水?！再之後佢去到南非同肯雅更加明白到：「睇到貧困同苦難，令我重新去思考人生，其實仍然可以生存，已經好幸運。

Layla唔單止堅強走出呢個困境，仲決定做社工，幫助有同類經歷嘅人。嗚哇，毛毛都要好似你咁勇敢先得，唔係點同腦細講back after 環遊世界喎（如果有錢嘅話）～

資料及圖片來源：Mirror