出嚟行，最重要係咩呀！係叉滿電嘅尿袋呀！喺而家乜都要放上網呃like嘅年代，電話一冇電就大件事㗎喇！少咗幾個like，分分鐘會有生命危險呀！最近日本都有網友出街食飯嘅時候，發現自己手機冇電，想拎個尿袋出嚟叉電嘅時候，驚覺自己連尿袋都冇帶！慘喇，世界末日喇！

好彩個網友醒目，識得隨身帶住部電腦主機，咁樣只要有插頭嘅地方咪可以用嚟叉電囉！真係既方便又快捷呀！

做咩啫，作為一個毒L，隨身帶住一部主機行街都係一件好合理嘅事吖！

而且悶嗰陣仲可以有個伴?！真係又溫馨，又體貼呀......嗚！

封面圖片及資料來源：hajimesyacho/twitter