「輕輕的我走了，正如我輕輕的來……」詩呢家嘢，毛毛細細個都識寫啦，照抄嗰陣……不過台灣呢個10歲嘅小朋友，人仔細細，竟然可以作到首咁驚為天人嘅新詩，睇到毛毛都忍唔住wow一下呀！

「所以你看到不完美的，一轉身，另一面叫完美。」嘩，毛毛都忍唔住用好假的肥仔tone朗讀咗出嚟，咁細個就已經咁有才華，大個咗仲得了嘅！

呢個細路果然係出口成文！相信唔少老母都應該好想知道，點可以將自己個仔育成到咁有才！究竟要上幾多新詩創作班呢？定係要由1歲開始搵補習姐姐教作文呢？

其實呢位未來徐志摩並唔係咩十項全能，佢反而係一個患有過度活躍症同學習障礙嘅小朋友。佢老母不但冇逼個小朋友食藥睇醫生上興趣班，反而係用耐心同溫柔陪佢行想行嘅路，用小朋友嘅角度同語言去同佢溝通。其實每個小朋友都係一個天使，就好似小王子入面都有講，當大人只係見到一頂帽，小王子見到嘅係一條蛇吞咗大象。小朋友嘅想像力，唔係操下TSA，上下興趣班就學得到㗎！

封面圖片、資料及圖片來源：一下迷路一下爆走/Facebook