記唔記得之前毛毛提過有車嘅朋友仔好多次，開車之前要拍下架車先，等匿咗喺車底取暖嘅貓仔狗仔走返出嚟先呀？

最近台灣就有個網民話佢架車無啦啦死咗火呀，唔通有貓仔偷偷地走咗入去覺覺豬？點知佢拎架車去檢查之後，車房哥哥竟然腥返呢啲相畀佢！嘩一隻隻爪咁，想嚇屎人咩～

原來架車個散熱風扇前面，收埋咗幾十隻雞腳，所以搞到死火呀！個車主又幾識食喎，收收埋埋係咪想唔畀老婆知自己偷食先？點知車房哥哥話，可能係有老鼠仔叼去車入面收埋，準備過冬㗎！

會唔會係個車主以前救過老鼠仔一命，唔使畀阿Tom食落肚，所以Jerry就學啲貓用紙巾報答恩人，嚟個鼠之報恩，請佢食雞腳呀？嗚呀，真係一個好感人嘅故仔呀！好大個洋蔥呀！！

封面圖片、資料來源：●【爆料公社】●

延伸閱讀：【紙巾默默送】貓之叼紙巾報恩