老老竇竇，亞視永恆幻滅，毛毛都喊濕過幾個枕頭㗎，話晒細個嗰陣都係睇亞視嗰套《我和殭屍有個約會》大，點知就真係睇住佢大，睇住佢壞，都咪話唔心傷呀！

但有消息就話，美國FOX有意欲重拍《我和殭屍有個約會》喎，Fox嘅香港區總裁Cora Yim仲讚話呢個十幾年前嘅劇本好前衛?！
毛毛都覺得亞視呢套神劇係好正嘅，尤其係女主角呀，簡直係毛毛兒時嘅女神！唔知FOX重拍係會用香港人吖，定係用外國人呢？不過佢用咩人都唔緊要，毛毛最關心嘅係邊個做馬小玲啫！最好就搵返萬二蚊做返啦，咁先夠原汁原味㗎嘛！

封面圖片、資料及圖片來源：yesasia、win4000、haf.org.hk