老師以前成日都會安慰毛毛，話每個人都有佢獨特嘅地方，毛毛知㗎，毛毛最獨特嘅地方咪係棚牙特別凸，個樣特別醜吖嘛，嗚嗚！如果毛毛中咗一億，又或者投胎中咗做牙醫個仔，咁咪可以箍牙囉，到時一定……一定會靚仔過劉華㗎，不過唔中咋嘛！

外國呢隻狗仔，唔好睇佢個樣正正常常喎，佢大大下因為隻牙生歪咗，搞到佢合唔埋個嘴，仲搞到佢瞓唔安坐唔落，連嘢都食唔到呀！I know that feel 呀狗狗，就好似智慧齒生歪咗嗰種痛，真係不足為外人道㗎！

好彩佢主人嘅爸爸咁啱就係獸醫，可以幫佢箍牙，整返直隻牙仔咋！Well，其實隻狗仔箍牙都幾打耳吖，箍牙嗰陣個樣都咁卡哇衣，箍完會唔會好似阿唔知邊個老婆咁嚟個大變身，再靚仔啲呢？

登！櫈！又真係幾靚仔喎，箍完牙果然係唔同啲呀，笑喺上嚟都甜啲呀！

睇完狗狗嘅箍牙歷程之後，毛毛都的起心肝儲錢箍牙先！等毛毛計下箍牙要儲幾年錢……123456789……嘩！原來毛毛要儲六十幾年（每年儲五嚿）先夠錢箍牙喎，唔知到時毛毛仲有冇牙箍呢？

封面圖片、資料及圖片來源：metro、Harborfront Hospital for Animals/Facebook