前幾日，毛毛聽到一個世紀難題，就係如果你幫人買中合彩而又中咗嘅話，你會唔會連人帶飛咁走佬呢？嗱，誠實嘅毛毛就答：「唔會，不過catch me if you can。」而加拿大一位水喉匠都面對緊同樣嘅難題喎，話說佢幫人拆浴缸嗰陣，竟然發現有條金條，保守估計都值至少5萬美金㗎！嘩，咁咪差唔多成39萬港紙？！

老老77，貪心少少都即刻袋袋平安啦係咪？反正又冇人知嘅（好似係）～不過佢笨冇咁做到，佢仲好誠實咁「完金歸趙」呀！

而事主拎返條金條就梗係好開心啦，佢話其實已經唔記得咗自己當年收埋條金條喺邊㗎喇，好彩而家有個拾遺即報嘅水喉匠，佢先可以搵得返～最後，阿水喉匠就話喇：「咁樣做可能有人會覺得好蠢，不過呢樣係正確嘅事。」

其實，香港都有好多「蠢」人做緊「蠢」事㗎：《星期三港案》 2/3 將憤怒變成分享

資料及圖片來源：upi