成日都有人話將689比喻做狗，係侮辱咗啲狗喎......梗係啦，啲狗狗咁得意，仲好醒目?，689點同佢哋比呀下？

而英國都有一隻好醒目嘅大狗Alfie，佢有成82公斤重㗎，不過唔好以為佢四肢發達就頭腦簡單呀，Alfie不知幾細心，仲救咗小主人?！

話說5歲小主人Mark嘅爸爸媽媽發現Alfie好似導盲犬咁，成日陪住Mark身邊，帶住佢行同坐呀咁，於是就帶咗阿Mark去驗眼，一驗先知原來Mark有先天性散光，睇嘢蒙查查。

醫生仲話，再遲少少先發現，Mark有機會完全失明㗎喇......真係巧彩Alfie咁叻啫！

而家小主人就戴緊眼罩嚟糾正視力～話時話，原來小主人同狗狗都係5歲㗎喎，大家陪住大家長大......真係隔住個mon都覺得好warm！毛毛都好想身邊有咁啲咁好嘅朋友呀......嗚嗚。

資料及圖片來源：Metro