2016年03月03日 星期四
【莫生氣】方丈女友報仇 呃男友做老竇
男女朋友成日都會互相整蠱㗎啦（好似係），毛毛都係9估㗎咋，因為都未試過有女朋友⋯⋯所以就算睇到呢個女朋友咁樣整蠱男朋友，都好葡萄呀！
成件事要由情人節嗰日講起，話說個男主角諗住扮求婚呃佢女朋友，於是就拎住個戒指盒，跪喺地下度搞到好似真係求婚咁樣樣啦。女主角見到即刻感動到喊，點知一打開個戒指盒，原來只係茶包嚟！個男主角仲要加把口話：「Will you make me a cup of tea？」咁樣，即刻一句撻著咗佢女朋友呀！
女主角除咗嬲到當場走咗去之外，仲將當日之仇記到今日！要報仇就梗係要預備好所有嘢先啦！女主角首先Set好個Cam，然後就同男朋友講：「打令！我有咗BB呀！」咁，男主角初初都唔信㗎，直至女主角拎咗枝驗孕棒出嚟做證，終於成功呃到男主角！
男主角開心到攬住女主角，仲打埋畀父母報喜，點知呢個毛文女主角就開估話：「哈哈！呃9我？你已經被整蠱喇！」
唔知點解毛毛睇完之後淨係諗到一句說話，就係：方丈份人......
睇片：
between，講開做老竇，呢單嘢就係堅喇：
資料及圖片來源：thesun
