毛毛今日為大家報導一單體壇盛事－等女人Shopping耐力賽！一班選手嚟自世界各地，參賽條件係首先......要有女朋友，仲要係鍾意shopping嘅女朋友。不過睇落呢項賽事一啲都唔易，毛毛帶大家直擊咁多位選手嘅情況啦。

［講馬mode］咁多個參賽者一早已經準備就緒搵定個靚位等自己女人濕平喇，1號參賽者就醒呢，帶部手機嚟一邊等一邊玩，一邊玩一邊等，玩玩玩，等等等，玩完，都仲係等緊呀下。

跟住又睇下2號仔喇，佢就弱啲啲喇，唔單止好快就腳仔軟，仲痛都頭埋?啵！

3號又點呀？睇過？瞓著埋?！信唔信毛毛取消你資格吖嗱！

4號選手表示：等～寂寞到夜深～不過唔好放棄呀繼續等呀下！

5號同6號等到塊面都白埋，喂！不如唔好死頂啦！

噢，7號選手唔知做錯乜，畀主人鬧喇，嗚呀！

唉其他選手毛毛都慘不忍睹喇，不如你哋走啦好嘛，女人係唔會有shop完平嘅一日㗎。仲有呀，你哋點等都唔會贏到毛毛㗎喇，因為毛毛根本冇參賽，又點會輸畀你哋！（其實好似係冇參賽資格......）

資料及圖片來源：miserable_men/Instagram