等毛毛問下各位廢青先，你哋鞋櫃有幾多對鞋呀？仲有擺門口最常著嗰幾對呢？仲有鞋盒入面十年先著一次嗰幾對呀？加加埋埋有冇十幾對呀？後生仔就可能好捨得使錢開心又買鞋唔開心又買鞋好天又買鞋落雨又買鞋呀，但對慳得就慳嘅老人家嚟講，就算對鞋著到殘晒舊晒，都未必會肯買對新嘅～

台灣就有網民話，見到有個老伯伯坐咗喺佢舖頭門口好耐，於是就忍唔住走去問下佢做咩事啦，伯伯話佢對鞋好唔舒服，難行到連想去買過對新嘅都行唔到呀～

於是呢間舖頭幾個後生仔就立馬買對新鞋送畀伯伯！仲好細心咁幫伯伯著埋上腳，嗚呀唔講仲以為呢兩個係伯伯嘅乖孫仔呀！

咁都唔止呀，做好人做到底，佢哋仲扶埋伯伯返屋企呀～！可能有人會覺得佢哋做完好事仲post上網係想搏人讚，但毛毛就覺得，如果可以提醒到大家都關心多啲身邊嘅人，甚至係陌生人，都係一件好事呀！

就好似之前香港都有個大好人收到波鞋禮券之後，換咗對波鞋同一件t-shirt畀個行乞老婆婆呀～ 幫得幾多咪幫囉～！

‎

封面圖片、資料來源：●【爆料公社】●

溫情回帶：【人間有情】香港暖男幫行乞婆婆買波鞋、【絕種好男人】執到銀包仲幫人增埋值