2016年03月04日 星期五
【你講晒啦】強國官媒話桃園結義係小圈子主義
毛毛作為一個世紀大文青呢，由細到大嘅興趣，就係睇中國四大小說喇，尤其係黃貫中（好似係）作嗰本《三國演義》呀，毛毛到而家仲同不時打三國溫故知新㗎！
點知呢，噚日強國官媒《解放軍報》話桃園三結義係小圈子主義喎！官媒話，其實劉關張三條友仔只係「哥們義氣」，唔信圈外人，對自己友就由得佢哋任意妄為！
嗱毛毛都知大家會too long didn’t read，特別好好心機咁整咗個表，自己睇啦：
其實強國官媒嘅睇法真係好創新好獨到！毛毛強烈建議各位中學雞考文學（其實而家仲有冇人讀㗎？）嘅時候，可以學佢套思維方式喎！好似唐三藏唔受妖精媾其實係不解溫柔、豬八戒鹹濕其實係好傻好天真、孫悟空嗌「好L痛呀師父」其實係率直坦白……呢啲咪獨立思考囉！呢啲咪批判思維囉！
封面圖片來源：彰化市公所、中國軍網
資料來源：中國軍網
＜強國官媒偉論集＞
