通常啲女仔細細個嗰陣，都係玩下barbie、煮下飯仔呀咁，而男仔就多數玩車車同Lego，不過而家個個細路都係玩挨pad，仲邊有人玩玩具吖！最近就有個叫三井淳平日本網民post咗自己細個砌積木嘅相出嚟......

唓，一張小朋友砌積木嘅相有幾特別呀？毛毛都有成打呢啲相啦......嗱嗱嗱，說話就笨唔係咁講，事關呢位網民絕對唔係一個普通人！！！

阿三井淳平就繼續post佢細個玩Lego嘅相啦，由啲相度睇得出，當佢愈大個，佢砌嘅Lego難度愈嚟愈高......

而到咗今時今日，佢竟然連呢架成張梳化咁大嘅戰列艦大和號都砌到出嚟呀！

毛毛深信，大家喺呢個moment一定隔住個mon都感受到佢對Lego係幾咁熱愛。不過，毛毛都話佢唔係普通人咯，佢又點會係一個普通嘅Lego發燒友咁簡單呢～而家嘅佢已經將「玩Lego」呢個興趣變咗做自己嘅事業喇！

原來佢係少數得到Lego公司認證嘅13位Lego專家之一嚟（仲要係最後生嗰個）！睇下，佢仲上過報紙?㗎～

嗚嗚，點解人哋可以玩Lego玩到拎埋Lego認證，但毛毛就仲做緊廢青......公平咩？！

封面圖片來源：junlego／twitter

資料來源：junlego／twitter、lego.com