香港嘅學生呢幾日接二連三咁發生不幸嘅事情，全港幾乎沉重到港殤咁滯，而香港偉大嘅領導人終於喺facebook有表態喇！佢喺facebook分享自己釣魚嘅心得，不亦樂乎咁話呀，仲話想喺中環起個泳棚?～

689話嚟緊香港會整幾個釣魚區，等啲打工仔可以食lunch嘅時候去釣魚喎。

凸手一向重視民生就係人都知㗎啦，退休保障呀醫療開支呀嗰啲梗係有咁少得咁少，最緊要係起個泳棚畀中環，連食飽飯游水呢啲咁有常識嘅事都畀佢講得出，真係不愧為香港第一智將呀！

佢呢篇文一出，又輕鬆咁儲到4000幾個嬲喇～


用一個鐘lung廚hour去游水呢件事真係好有益身心，為咗響應呢個活動，毛毛特登為中環嘅朋友仔整咗個游水時間表畀佢哋參考下，如果5分鐘之內行唔到去泳池就自己搭的士啦吓。

689仲話好羨慕人哋去釣魚，你走啦毛毛唔想搞大佢，冇咩事你都係返返去全職釣魚罷啦。

來源：cy leung、特首網誌