當香港六合彩嘅獎金仲係得嗰區區一億（識英文可能會有 1 billion）嘅時候，Facebook淨係派畀英國員工嘅花紅已經講緊係2.8億英鎊，即係差唔多成30幾億港紙，足足係六合彩嘅30倍呀！

最近有英國傳媒就爆，話Facebook有機會向一班英國同事派花紅，每人有成差唔多78萬鎊，計返港紙即係差唔多成8百幾萬呀！喂仲請唔請人呀～～打雜都做㗎我！

其實喺2014年嗰陣Facebook都試過派3500萬英鎊畀員工㗎喇，估唔到短短一年啲花紅已經升值咗咁多倍，公平咩，唉！不過亦都有人話Facebook咁樣做係為咗避稅，因為喺英國，花紅可以當做係稅務開支，所以Facebook派花紅畀員工就變相可以交少啲稅囉！

不過老老竇竇，比起香港用千幾億起三跑，幾百億起高鐵，區區30幾億真係算得啲咩吖！都唔知買唔買到香港嘅一幢半山豪宅啦！香港地，真係遍地黃金呀！55。

封面圖片來源：Mark Zuckerberg Facebook

資料來源：Dailymail