2016年03月08日 星期二
【很想吃吧】萬幾粒抹茶丸子打破最長紀錄
世界上已經冇比抹茶更加百搭嘅嘢食！整朱古力又得，整布甸又得，整心太軟又得，整雪糕又得，整雞蛋仔又得……（下刪一千萬款配搭），連攞嚟整世界紀錄都得㗎！
早幾日日本京都就舉行咗個最長抹茶丸子金氏世界紀錄挑戰，由2000個人一齊用咗3個鐘慢慢將啲抹茶丸子一粒粒咁排做一行，有成342米咁長㗎！
嘩，一粒抹茶丸子先得幾cm，300幾米，咪用成差唔多17000粒？！夠毛毛食足幾年喇嗚呀！
啲評審哥哥仲會好細心好斯維依咁check下啲抹茶粒粒同粒粒之間有冇太大條gap㗎～（認真做嘢嘅男人真係好有魅力呀hehe～）
最後大家仲一齊用啲抹茶丸子「乾杯」，食埋落肚?呀～又有得玩又有得食，唔怪得班細路咁開心嚕～
好彩啲日本人冇學強國咁人同垃圾桶分甘同味咋，唔係個世界紀錄擺到埋咀邊都要吐返出嚟呀！
封面圖片來源：朝日新聞
資料來源：台灣蘋果日報
＜世界紀錄系列＞
