學校功課唔一定係一味抄書、背書同狂操數嘅！識得玩，其實功課都可以好好玩！台灣呢個小學老師就創作咗一份超有創意嘅功課，就係要班學生幫工業革命時代嘅科學家開facebook呀！

毛毛仲記得以前細個學歷史要記呢啲人名嘅時候，真係記到隻狗咁㗎！如果嗰陣時都有呢份功課做嘅話，我科歷史就唔使肥佬啦唉！你睇下，班小學生真係做得好有心機㗎！佢哋嘅創作力量同幻想仲分分鐘會嚇你一跳?呀！好似有發現地心吸力嘅牛頓啦！個學生幫佢改咗個名叫「蘋果控」，仲當個蘋果係自己女朋友呀！咦乜咁似毛毛平時做啲嘢嘅……

連諾貝爾都有份㗎，個學生仲好抵死咁幫佢update status話佢終於發明咗炸藥，一定會賺大錢咁話呀！

老老竇竇，見到香港最近有咁多學生自殺嘅新聞，真係搞到毛毛心都悒埋。再睇到呢份台灣嘅小學功課，知道原來學習都可以係咁好玩，嗰一下真係灰都9埋，唉。到底香港嘅學生幾時先可以擺脫無間做呢個命運呀？

封面圖片及資料來源：飛天麻辣郭