「我好鍾意隻企鵝仔，我當佢係我嘅小朋友，我相信佢都鍾意我。」呢個71歲嘅巴西伯伯喺2011年嘅時候，救起咗一隻垂死嘅企鵝仔，伯伯以為只係做咗件好人好事，點知原來係一個感人故事呀！

話說呢，伯伯本身係一個漁夫，當佢喺沙灘發現企鵝仔嗰陣，見到企鵝仔成身油污，仲餓到就嚟死⋯⋯頂住呀！企鵝仔！

好彩伯伯救咗佢，仲用咗一星期時間去照顧佢，令佢變返隻精神亦亦嘅企鵝仔！伯伯仲幫企鵝改咗名做Dindim?！企鵝仔好返之後，伯伯雖然好唔捨得，但都要放返佢去大自然。伯伯表示，可能以後都唔會再見到呢個新朋友喇⋯⋯鳴鳴⋯⋯

令伯伯驚訝嘅係，幾個月之後，企鵝仔Dindim竟然出現返喺伯伯以前救起佢嘅沙灘到。

兩個人之間嘅感情，令企鵝仔每年都會游5000英里去探伯伯。直至今年，企鵝仔已經係第5年返嚟同伯伯見面喇，伯伯話：「每次企鵝仔都會好似狗仔咁搖尾同好開心咁叫。」

大自然真係好神奇呀！毛毛要認真mode呼籲大家，真係要愛護我哋嘅環境，咁樣樣啲可愛嘅小動物可以好好咁生存，佢哋都係有感情嘅生命嚟㗎！

【伯伯同企鵝仔嘅感人片段】：

資料及圖片來源：Daily Mail