都已經3月喇，但毛毛都仲係成日會唔小心將2016寫咗做2015，搞到要夾硬將個5字兜返做個6字，都仲算勉強兜到嘅，不過如果係將啲墨汁灑咗上牆 ，都唔知可以點兜喇！

台灣有個網民話自己幫老竇磨墨寫大字嘅時候，唔小心灑咗幾滴墨汁落幅牆度呀！幅牆白雪雪，無啦啦有幾點黑色，好鬼礙眼㗎嘛，畀毛毛呢啲完美主義者見到真係周身都唔聚財呀！人嚟，用啲塗改液遮咗佢！

點知呢，佢又幾醒喎，一啲都冇淆晒大底，仲即刻發揮小宇宙，呢度加幾筆，嗰度加幾筆，咪畫咗棵樹出嚟囉！又畫得幾靚喎，有毛毛五成功力呀下～

棵疑似桃花樹仲同間房個design幾襯呀，古色古香咁，你老竇實好like啦～！

之前外國都有個媽媽將乖女亂咁畫嘅畫加啲magic變做神作㗎！真係好犀飛利呀……如果有人都可以化腐男為神奇，幫毛毛塊面畫做個靚仔就好喇……

封面圖片來源：爆廢公社

資料來源：爆廢公社、Ruth Oosterman

延伸閱讀：【超強勁】媽咪神還原囝囝蛋糕畫