平時毛毛聽啲妹豬講話要防狼就聽得多，估唔到原來狗仔都要防狼㗎！最近美國有對夫婦就特製咗件防狼背心畀狗仔，不過呢隻「狼」笨唔同嗰隻「狼」，因為呢件背心要防嘅，係堅﹒狼嚟㗎！

是咁的，原來呢對夫婦幾年前曾經親眼見過自己嘅愛犬畀草原狼咬死，為咗唔想悲劇重演，佢哋就特登整咗呢件背心出嚟喇！

除咗有功能性之外，狗仔著上身其實都幾型棍，仲有少少punk?喎！背心上面嗰幾條好似牙刷咁嘅嘢，雖然唔可以真係傷害到啲狼，但都叫做難入口，拖延下時間，畀主人可以乘機救到狗仔吖嘛！

佢哋而家仲搞咗網上訂購，毛毛聽講住喺嗰度附近，一樣怕咗啲草原狼嘅主人都有買，而家已經賣出咗過百個喇！老老竇竇，香港其實都有隻唔知佢係狗定大灰狼嘅物體喺度搞搞震，唔知毛毛買呢件防狼背心返嚟邪一邪佢又得唔得呢？

封面圖片及資料來源：coyotevest