啲女同事成日都話邊個邊個係暖男，毛毛都唔知佢哋講緊邊個，咪唯有上網search下囉，點知Mr. Google竟然畀咗一堆靚仔或者靚仔Oppa毛毛喎～

唓！暖？邊度暖呀？睇過……咪又係靚仔咋嘛，計毛毛就話暖男應該好似呢個台灣M記嘅員工咁，由個心度暖出嚟，先係堅暖男嘛！

有台灣網友去M記食宵夜嗰陣，見到呢個M記員工拎住個漢堡餵殘疾人士食嘅一幕呀！乜而家台灣M記有埋呢啲服務咁有愛嘅咩？

原來呢一切都係呢個男員工由心而發嘅一個舉手之勞嚟！佢接受記者訪問嗰陣話，見到呢到個客人隻手好似有啲唔方便，就走埋去問佢需唔需要幫手，順便餵埋佢食包，希望佢可以感受到人間溫暖咁話喎！老老竇竇，你咁好服務，唔單止嗰位客人感受到溫暖啦，毛毛隔住個mon都feel到呀！雖然毛毛一出世就注定做唔到型男，但暖男呢樣嘢，毛毛相信只要凡事諗多一步，做多少少，就係人都可以做到呀！！！！

封面圖片、資料及圖片來源：Li Ting‎/屏東縣潮州鎮、Google
 

回帶睇溫情在M記：【幫得就幫】婆婆數毫子買包 店員妹妹私人請飲橙汁