記唔記得呢隻成隻狗咁大嘅超巨型兔仔呢？

唔記得就等毛毛係咁意講返件事啦！話說呢隻叫Atlas嘅兔仔太大隻，所以就畀主人遺棄咗，要暫時住喺格拉斯哥嘅愛護動物協會度，一直等緊新主人嚟接佢返屋企呀！

就喺最近，Alas終於等到佢嘅新主人，仲搬咗去一個好C服嘅環境度歎世界。你睇佢個樣幾咁Enjoy！仲有啲兔朋友陪佢?呀！

被選中嘅主人就話：「當我一收到電話，話我知我可以做Atlas嘅新主人嘅時候，真係開心到喊出嚟呀！對有啲人嚟講，小動物只係一隻普通嘅寵物，但我就當呢隻兔仔係我屋企人囉。」

主人仲話呀，Atlas而家成日喺花園度跑嚟跑去，好鬼活潑。佢仲預備咗一間有恆溫設備嘅屋仔畀佢住，咁咪唔使驚太熱或者太凍囉！真係五星級的家呀喂！

兔兔呀你今日咁開心，聽日一定會更加開心㗎啫！不過毛毛就慘啲囉，仍然冇人想領養我⋯⋯

重播節目：

【明明就好得意】兔仔畀主人遺棄 原因係太大隻

資料及圖片來源：Mirror