拍拖嚟講呢，唔一定要句句都BB豬豬哎miss you 先叫開心嘅，有時你寸下我我又整蠱返你，都不知幾有情趣呀！點解毛毛會咁清楚？冇呀，聽人講咋嘛，有鬼臨床經驗咩……

呢隻狗仔巧打耳呀！佢就係鬼仔Ryan個女朋友新養嘅澳洲牧羊犬Molly喇～

隻狗狗咁cute，錫佢都嚟唔切啦，點知衰鬼Ryan竟然綁隻公仔同佢上啲氣球度飛上天？！喂做咩呀你，快啲放返隻狗仔落嚟呀！你見唔見到佢驚到就嚟瀨喇！

女女見到梗係9秒9衝出嚟想救返狗狗啦！仲起勢咁鬧Ryan係咪癲咗呀你搞乜呀$^%&$^%&*#咁！好在，佢都算醒目女，好快都睇得出原來隻空中飛狗原來係公仔嚟嘅…… 毛毛都知你愛狗心切，唔會笑你7嘅，放心啦！

原來Ryan一早收起咗狗狗，再綁隻公仔上氣球度，再加埋個播狗狗喊聲嘅錄音機一齊飛上天㗎～想撻著女友，睇佢個嬲豬樣，其實又使乜搞咁多嘢呀，下次佢問你佢今日有咩唔同，答佢唔知咪即刻撻著晒囉～

封面圖片、資料來源：HammyTV/youtube

＜整蠱專家系列＞

【莫生氣】方丈女友報仇 呃男友做老竇

【十級驚嚇】當Paris Hilton遇上整蠱專家

【實用教學】成日畀人偷嘢食　室友整紙皮雞扒報復