有冇試過，突然間硬係凝住背脊有對眼望住你？毛毛試過，真係試過！而且多數擰轉面之後就會發現，嗰對眼正正就係黑緊面嘅腦細……有台灣網友最近都話坐車嗰陣試過有呢種感覺呀！

是咁的，話說呢個女仔搭巴士嗰陣因為冇晒位，就局住要坐司機位旁邊先，點知就喺司機個閉路電視度見到，有雙眼默默咁望住自己呀！唔通係愛情動作片中經常出現嘅……痴漢？

嗚哇！原來唔係人嚟，係柴犬呀！個網友話呢隻柴犬對佢好好奇，一直都眼甘甘望住佢，眼都唔眨！

愈望個頭就伸得愈近，嗯，毛毛9估，呢位台灣網友都應該係靚女一名，唔係點解呢隻狗公......阿梳，I mean狗仔會望到佢實一實吖！如果畀著係毛毛出街遇到啲狗，佢哋唔吠9我都偷笑喇！唉......

封面圖片及資料來源：steffy0418/PTT