2016年03月10日 星期四
【響應689呼籲游廿分鐘水】 前三項鐵人港隊代表實測！
毛毛真係巧開針呀！先有田二少衝出嚟話畀大家知原來lung廚游20分鐘水係真係work之後：
又有網民拋個身出嚟響應689嘅呼籲喇！佢仲要係前三項鐵人港隊代表嚟?！嗱唔係玩玩下㗎，有晒路線圖同裝備簡介，仲有利申?呀！實行要以認真嘅態度去回應689同田二少嘅9up！啊sor99ly，應該係認真up先啱。
要進行呢個實測，佢話佢首先就要喺公司著好晒泳裝同跑步裝，然後就要同其他200名員工爭搭?爭出閘，跟住就要狗衝去公司附近個游泳池，極速除晒啲衫！如果你嘅時間管理做得好嘅話，應該就會啱啱好游到20分鐘水㗎喇！啊唔記得咗講，呢位網友係有成個半鐘頭食lunch嘅幸運兒嚟，得一粒鐘食飯但係又想試嘅巴打就諗清楚喇下。
嗱有圖有真相㗎：
佢做完呢個實測之後都忍唔住喺facebook度大讚689嘅聰明才智，仲話成個過程都屬於辛苦程度，叫大家要珍惜生命，唔會再有下次咁話喎！咩啫，辛苦咋嘛，都未死得，毛毛肯肯定689係想透過呢個活動鍛鍊我哋嘅意志啫！用心良苦嘅嘢毛毛真係識條鐵咩！
封面圖片及資料來源：Leo Mo
