老實講，做得貓嘅奴才，最緊要係咩？梗係每日準時餵飽聖上啦！話說台灣有個網民唔得閒餵聖上，咁就叫阿嫲幫手餵啦，點知佢阿嫲話聖上竟然唔肯食嘢喎！死啦今次，唔通聖上病咗？佢返屋企一睇，原來阿嫲餵嘅係呢樣嘢？！

喵你個街，貓砂嚟嘅喂？唉，阿嫲你唔好以為有個貓樣就一定係貓糧嚟啦......其實唔止呢個阿嫲唔識分貓糧同貓砂㗎，之前另一個台灣網民嘅阿媽都係咁！

睇下你班奴奴，搞到聖上嬲豬樣都出埋喇......

唉你班奴奴吖，連貓糧同貓砂都未分到，點服侍聖上呀下？仲唔快啲買本《如何做好貓奴》嚟睇～

封面圖片來源： ‎都滾‎／貓咪也瘋狂俱樂部 CrazyCat club

資料來源： ‎都滾‎／貓咪也瘋狂俱樂部 CrazyCat club、羅少君‎／貓咪也瘋狂俱樂部 CrazyCat club

回帶：【阿媽你真幽默】換貓糧竟然換咗呢樣嘢