喵星人一直畀人嘅印象都係coolcool哋、串串哋，就好似女神一樣，只可遠觀而不能亂摸，如果搞到佢發老脾，一嘢爪過嚟，有血光之災咁點算呀！但係外國有隻小貓竟然肯乖乖地咁瞓喺主人隔離？喂求介紹喎！

呢隻貓仔其實身世都幾悲慘，佢本身係一隻流浪小貓，上年冬天未有屋企嗰陣仲差啲喺路邊凍僵！但好彩及時畀網友一家人救起，執返條命仔咋！

前嗰排佢主人跌斷腳，要喺醫院留醫四日。當佢返到屋企嗰陣時就發覺隻貓仔一直黐住佢，仲瞓喺石膏上面，好似一直守護住佢咁呀！

毛毛9估，隻貓一定係知道呢一家人係佢嘅救命恩人，所以到主人有事嘅時候就要喺旁邊保護返佢啫！真係好有愛呀！嗯，冇咩事毛毛都係出返去幫隻貓剷SSS先喇。

封面圖片及資料來源：frozen kitten