抽獎運呢家嘢呢，毛毛由細到大都唔少㗎，次次老師抽人出黑板計數都實抽中毛毛嘅，到而家抽人嗌飯，又實係毛毛中獎嘅，不過就係未試過抽中其他獎之嘛……

台灣呢個網民就好啦，佢話自己無啦啦收到張刮刮卡，仲特登放埋喺神枱希望法力加持等佢可以中獎喎～求神，求神，誠心禮佛來求靈神～刮刮刮刮刮，好緊張呀，唔知佢有冇真係中到大獎呢？！

原來佢中咗份仲正過大獎嘅surprise呀！有人用自己方式整咗幾句肉麻嘢落張刮刮卡度同佢示愛呀！嗚呀，真是超sweet的哦～！！！（台灣腔呀留意返）

這些機會……原來唔係得佢先有㗎！見到人放閃，一眾女網民又點會錯過反擊嘅機會，於是大家都post自己收過嘅示愛刮刮卡出嚟表示：好叻咩我夠有咯。毛毛搵到，原來台灣係有得訂製呢啲心意刮刮卡㗎，仲寫乜都得?～！

嗯，抽獎？畀著毛毛，應該會係咁。

封面圖片、資料來源：●【爆廢公社】●

＜中大獎系列＞

【前途無限】16歲?仔中獎 有AV女優陪瞓一個月呀！

【中獎變中伏】日本仔收365盒1星期後過期納豆

為咗中頭獎你可以去到幾盡？

【聽日準時返工啦】差啲就中咗1000萬現金獎喇！