呢排天氣凍返，最啱就係打邊爐，暖一暖個胃！之不過每一次嘅打邊爐都係一場戰爭，能夠守護自己嚿肥牛到最後嘅，先至係大贏家。

最近就畀毛毛發現咗呢個打邊爐神器，嘩真係世界從此不一樣呀！

首先就將個火鍋分做四格，而佢個底就好似部?咁可以不停上上落落～

掉晒打邊爐啲料落去之後，就可以開始淥喇！因為佢有個底兜住，又可以控制上落，啲嘢食就唔驚會跌晒落個底度好似入咗黑洞咁搵唔返啦！至於跟住落嚟要做啲咩，喂唔使毛毛教啦下嘛，梗係?實嚿肥牛，一熟就即刻夾咗佢啦！不過聽講呢個神器好似係強國出產，嗯，唔怕死或者係想挑戰自己嘅可以試下㗎，55。

封面圖片來源：微博

資料來源：肖喬哥/微博、國民學叔/微博