啲人成日話香港係文化沙漠，其實都唔係呀，香港都不知幾多攝影氣質男呀！最近有個攝影師Andy Yeung用咗兩個月時間，喺上環、灣仔同深水埗用航拍機影咗一輯震撼700萬人嘅相！

攝影嘅嘢，毛毛真係唔多識㗎，不過都睇到，呢輯相，由超超超高角度俯瞰眾生，一眼望埋去， 淨係睇相都已經覺得迫到氣都唞唔到，呢輯大作條題叫「Urban Jungle」，冇起錯名呀下。

啲相影得咁高超，連外國傳媒都有報導㗎！香港人又再一次揚威國際，香港勁揪！啪啪啪！

仲有呢張兩年前喺鰂魚涌影嘅相，三面都係樓，小學常識書又話香港三面環海嘅喂？

除咗樓、樓、樓同樓，都仲係樓。冇錯，呢個就係香港。

封面圖片、資料來源：Andy Yeung Photography/facebook、Andy Yeung 作品網頁、yeungshingfuk/instagram、peta pixel​

延伸閱讀：【叻仔！】19歲袁斯樂飛鵝山相 拎國家地理攝影大賽冠軍