啲人成日係又利申唔係又利申，好喇喎，有冇諗過如果條脷真係成日伸出嚟會點呀！會點？咪好似呢隻貓貓咁打耳囉！

呢隻貓貓張張相都伸晒脷，是咪想學港女十式咁扮萌呃like先？

唔係呀，原來佢係因為有貓關節軟骨病(Osteochondrodysplasia)，天生就下巴畸形，所以先收唔埋條脷仔㗎，唔好以為佢特登想藐人啦！

貓貓個主人話，要醫返貓貓呢個病，醫藥費都唔少，所以有好多獸醫建議應該將佢人道毀滅， 但係主人梗係唔會咁諗啦，反而幫佢開挨豬post得意相，話畀大家知，就算遇到困境，都千祈唔好絕望！

本身係因為病而得到嘅缺點，點知轉一轉角度，竟然變成人人都讚佢打耳嘅賣點，毛毛諗起以前中學都讀過篇文係讚嚿怪石以醜為美呀…… 所以呢，只要你識欣賞，毛毛都一樣係好美㗎！

封面圖片、資料來源：melissa_scottish/instagram
延伸閱讀：【黑面都得意過人】24小時都咁嬲爆爆嘅貓貓