唔知係咪全世界啲的士司機都係咁鍾意彈客，台灣有個婆婆有一日一個人喺條街度截的士，可能司機怕老人家麻煩都唔肯載佢，不過就係因為咁識咗呢個咁好心地嘅經紀哥哥呀！

車咗婆婆一次之後，婆婆仲時不時打畀佢叫佢幫手做司機，點知經紀哥哥唔嫌煩不特止，仲真係經常車佢返屋企同埋同佢一齊食飯?！

可能對於個成日要揸車走嚟走去嘅經紀哥哥嚟講做吓司機係好小事，不過對於婆婆嚟講呢個哥哥就可能係佢唯一嘅朋友甚至係親人喇。

網民都勁讚呢位仲介哥哥，有時真係唔知到自己做嘅一件小事對其他人嚟講影響會幾大㗎。

近排香港發生咁多唔開心嘅事，可能請人食一粒糖或者傾一陣偈，一個人成個故事都會唔同晒。

圖片來源：Ying Jie Liao、Love What Matters