前排領展將成個青衣長發街市外判咗畀建華（街市）管理有限公司，結果冇啦啦多咗好多檔唔知邊度走出嚟嘅商販喺入面開檔，搞到原本班小商販又搞抗爭又罷市：

而最近又有街坊喺facebook開post，話自己由細細個就開始幫襯到而家嘅一間長發街市鞋舖，都因為頂唔順加租要執喇，唉！

嘩裝個修就要加人成倍租，啲天花呀牆呀地下呀肯肯定鑲晒金啦，個檔口話唔定用埋意大利雲石嚟起?喎！ 咁計法淨係加一倍租，直頭係超值呀！

其實加一倍租又點吖，我哋香港人識生金蛋㗎嘛！為咗起嗰條膠鐵，都冇咗幾百億啦！而家只不過係雞碎咁多舖租，又算得啲咩喎。之不過睇怕第時想喺香港買對人字拖，仲難過買金㗎喇，唉。

封面圖片及資料來源：長發街市關注組

回帶：【老竇之覺醒】當深藍阿爸係青衣長發街市商販...... 、【趕絕小商戶】領展出動免費巴士 接人去青衣街市趕盡長發