講到左右手嘅靈活，毛毛認第二，有邊個敢認第一吖⋯⋯咩話，你想挑戰毛毛？除非你學得識呢招徒手封印零食嘅技能啦！首先，你要有一包食唔晒嘅零食。

然後就將包裝嘅左右兩角摺去中間，記得要摺到兩邊重疊喎！

跟住就係將包裝嘅頂部捲落嚟，係咁捲係咁捲，捲到過咗個重疊位。

之後就嚟到最難嘅部份喇，記住拉好筋先好做呀！首先捉實下圖嗰個空位，然後就一嘢將成個包裝反轉！

登登登櫈，話咁快就大功告成喇！不過要搞咁多嘢先做到，毛毛都係去拎條橡筋綁住包零食算9數喇，55。

資料及圖片來源：哈日劇