最近毛毛啲女同事竟然一路扮工，一路睇果齣唔知乜乜太陽的後裔喎，毛毛當然有睇埋一份啦，但就唔會好似佢哋咁膚淺淨係識睇埋啲型仔Oppa囉，識睇梗係睇埋宋慧喬BB啦！當毛毛以為呢啲軍人受訓生離死別嘅情節只會係啲韓劇設定嚟呃妹豬嗰陣，原來有啲人嘅職業真係做兵㗎！

呢個女仔服嗰啲兵役當然同毛毛服嗰啲兵役唔同啦！話說呢個女軍人上一年去咗受訓，要同佢一齊咗13年嘅狗狗離別，之後隻狗仔就成日都行唔安坐唔落咁，加上有返咁上下年紀，平日就連行路都行唔到?……

雖然話就話係一年半載啫，但對狗狗嚟講，一年已經等於人類嘅七年㗎喇……好在佢主人最近受訓完返咗屋企，隻狗仔即刻不藥而癒咁，生猛返晒呀！

睇到隻狗仔咁嗲咁冤住佢主人，成個畫面真係好warm好有愛呀，所以幾時都話，狗狗真係人類最好嘅朋友嚟呀！搞到毛毛都好想養返隻狗仔，咁當毛毛服完女神嘅兵役返到屋企嗰陣，起碼都有狗狗畀溫暖毛毛吖～

封面圖片、資料及圖片來源：buzzfeed