好凍呀好凍呀！毛毛已經得一個人㗎啦，天氣仲要咁凍，是咪想迫死我！惟有好似呢隻柴犬咁，躲於衣櫃裡，躲於失落裡，對住個暖爐取暖啦！

就係呢張伸長手仔取暖嘅相，令到呢隻柴犬喺網上面爆紅呀！睇下佢個樣C服到，毛毛隔住個mon都畀佢治癒咗，即刻覺得成身暖笠笠呀！

其實主人困住你都係為咗你好咋！你睇下下面呢隻狗仔，佢就係因為太近個暖爐，搞到啲毛毛都燒燶晒，變咗粒燒燶棉花糖呀！

雖然好慘，但係毛毛見到都忍唔住想咬返啖呀，嗚哇！唔知毛毛學佢咁去燒燶下啲毛，啲囡囡會唔會都想咬我一啖呢？

封面圖片及資料來源：jyona315/twitter

回帶：【難離難捨想暖多些】狗狗畀暖爐烘到毛都燶埋