毛毛警告你哋，唔好再屈蛇精男啦好嗎？佢真係真係真係冇PS過㗎（講三次希望會係真）！

話說阿蛇生最近Post咗張右眼瘀瘀地、黑黑地嘅相，佢話原因係打透明質酸失敗喎，哎唷～真係巧慘慘！但一班網民唔可憐佢不旦止，仲話佢抵死，話一見到佢整容失敗就好開心呀～

呢句一出就即刻撻著咗蛇生，搞到蛇生要拍片澄清，佢話佢係俄法混血，所以個樣先咁3D、個下巴先咁尖，絕對唔係P相或者整容囉！

蛇生仲好詳細咁解釋埋咩叫混血兒㗎～

咁都冇PS？55，一定係啦！

係囉，講大話最緊要係自己都呃埋，你哋唔好再呃自己喇，蛇生一定冇PS，唔信你睇：【野生捕獲蛇精男】卸咗PS重裝甲原來係咁樣！

資料及圖片來源：劉梓晨/微博