老老竇竇，雖然毛毛細細個嗰陣唔似而家啲小朋友咁幸福有PS又有艾瘋玩，不過我都有個好開心嘅童年㗎，事關毛媽同毛爸都會抽時間陪我玩，仲會好似呢位網民咁，自製玩具?！

嘩真係似到一個點呀，眼力差少少都會認錯咗佢做堅﹒停車場！最重要係咩呀，係呢度成壇嘢都係個網民老婆整㗎！有老婆仲要整手工咁叻，公平咩，嗚哇！

佢老公仲細細聲同毛毛講呀，話佢老婆只係用咗個士多啤梨盒再加平時留低嘅廢物就整好咗呢個停車場玩具，夠晒環保，阿囝同阿囡仲玩得好開心?！

係咯，所以話呢，玩具唔使貴嘅，有心就夠啦！不過都係嗰句，首先你要有個整手工叻嘅老婆，吖唔係，應該係有個老婆，吖都唔係，應該係有個女朋友先啱......唉！

封面圖片及資料來源： Ip Po Shan Sandy