毛毛好有自知之明㗎，一直都知自己一定係個靚仔……喺減咗肥之後，不過費事啲女女見到毛毛2.0會狗衝我，先一直都唔抗拒同事嘅魔鬼零食誘惑，保持低調之軀咋嘛！如果唔係毛毛一早學咗英國呢隻肥貓咁，掛個牌叫啲同事唔好再用零食引誘毛毛啦！

呢隻叫Eduardo唔識讀嘅貓成日喺路邊坐定定受萬人景仰咁款，搞到好多平民都不停進貢罐罐畀佢食，慢慢就變咗隻大肥貓喇～

咪睇佢得嗰6歲貓仔，已經有成15磅咁重喇，所以佢主人先要掛個牌仔喺佢條頸度，寫住「我減緊肥唔好餵我！」嘅窩心警告咋！

嗱，老老竇竇，唔係毛毛屈佢肥㗎，佢身邊呢隻同佢差唔多大嘅喵仔先係正常大嘅size呀，睇下有幾大個反差萌出咗嚟！

不過叫啲人唔好餵佢就減到肥係咩玩法，咁被動就減到肥㗎喇咩？其實就算隻喵係肥定瘦，都係咁charm㗎啦！明明大家都係毛孩啫，點解佢肥得咁打耳，毛毛就肥得咁L毒喎，公平咩？55，毛毛知道，是時候，要減肥了！
 

封面圖片、資料及圖片來源：real-fix