老母成日都叫毛毛娶老婆嘅時候要娶個大籮柚嘅，話咁樣好生養啲喎，毛毛就冇老母咁多要求嘅，只要係女，毛毛就ok㗎喇！大籮柚之嘛，毛毛都有啦，仲要好似呢隻浣熊隻籮柚咁肥咁大呀！ 

呢隻籮柚咁肥美嘅浣熊叫做胖福福，一睇就知佢平日好食好住啦，其實佢係一個台灣人養嘅寵物嚟㗎～

不過佢平日勁貪玩，成日都想逃「獄」走出街同啲狗狗玩，點知差啲喺逃走嗰陣畀度門卡住咗個大Pat Pat呀！

好在佢都有返啲自知之明，知道只要自己嘅大籮柚過到就成個身都過到，咪用自己個籮試下過唔過到先囉！好彩皇天不負有心熊，終於都畀佢離家出走到喇！不過過到度閘門又點吖，佢都唔知其實佢主人一直影緊佢逃「獄」嘅過程～唉，浣熊呀浣熊，逃「獄」都逃得醒少少嘛，your master is watching you 呀！

封面圖片、資料及圖片來源：Pang Fu Raccoon 浣熊胖福福