最心痛是，唔係愛得太遲，而係連愛人嘅資格都冇呀嗚嗚……女神sss結婚但新郎不是毛毛……真係9都灰埋，尤其係上年女神Ella結婚嗰排，毛毛簡直要罷工留喺屋企養傷一個月（咩呀心傷唔是傷呀？），先慢慢復原到咋！

雖然女神已經嫁為人妻，但一日為兵，終身為兵吖嘛，女神畀人蝦，毛毛一定第一時間企出嚟撐女神㗎！話說女神喺酒店餵人奶嗰陣，竟然畀個中年女人大聲指罵佢餵人奶喎！喂，老老竇竇，而家咩年代呀，BB識飲梗係飲人奶啦！

呢個女人肯肯定係成日見到啲水貨客走私奶粉睇到洗晒腦，兼且係嗰個乜光社榮譽永久會員先會企喺道德膠地係咁話人囉！計毛毛話，呢個中年女人一定係唔抵得女神又靚又有身材又有人奶，葡萄心作祟，先會當眾指住女神嚟鬧啦！女神Ella，無論點都好，毛毛都一定會永遠企喺你嗰邊㗎，55！！

封面圖片、資料及圖片來源：Ella Koon官恩娜