有時候毛毛真係好羨慕日本嘅高中生活，除咗有得好似阿吳焗腸咁?下……吖唔係，係望下啲著住制服嘅學生妹豬之外，佢哋嘅學校生活仲非常之青春同熱血！3月中係日本學生嘅畢業季節，前嗰排就有幾個男高中生為咗紀念畢業，搵埋幾個兄弟一齊模仿漫畫嘅封面：

係，毛毛承認係有啲7味嘅，不過肯肯定你哋畢業嗰陣都有學過啲電影海報影相囉！唔鍾意漫畫？扮暴走族又啱唔啱呀？

嗯，呢啲咁型棍嘅嘢都係唔啱毛毛呢啲毒L㗎喇，都係睇返啲洋蔥嘢先！話說噚日就有個學生喺佢學校旁邊嘅地盤影到呢一幕！

成班地盤佬用啲地盤工具砌咗「祝卒業」呢幾隻字，即係祝班學生畢業快樂咁解呀！咪睇地盤佬平時好似man到爆咁，其實佢哋心底裡面都係一個溫柔嘅猛9！鐵漢柔情嘅嘢你識條鐵咩！所以毛毛幾時都話，地盤佬簡直就係我偶像，係真男人呀嗚哇！

封面圖片來源：1349cherry/twitter

資料來源：xriominx/twitter 

回帶：臨結束高中生活，梗係影返張漫畫封面嚟留念啦！