唔經唔覺，毛毛已經過咗一年入面三分之二個毒L最難捱嘅節日喇（咪就係情人節同白色情人節囉）！呼，不過仲有個唔關毛毛事嘅性誕節喺遙遠嘅12月逐步逼近毛毛……唉，OT都O到連周公都冇時間溫嘅毛毛，又點會有時間溫女吖！好心腦細就學下人哋間台灣公司咁，畀毛毛放個大假去溫……搵真愛啦～

話說呢間台灣公司嘅腦細，可憐一眾從未受過愛情滋潤嘅乾枯毒L，竟然畀佢哋喺2月14至3月14期間，請一次性無限日數嘅戀愛假呀！不過呢位員工似乎實在係太愛公司喇，咁大個假期，都只係放咗一日假思考下人生咁，畀著毛毛就肯肯定請足一個月啦！

唉，佢哋啲員工就幸福啦！唔止咁，依毛毛多年?女嘅經驗話我聽，攞住呢張紙嗰個女仔肯肯定係靚女！嗯，佢都要請呢個假喎，唔通佢要搵嘅真愛就係毛毛？

呢間公司嘅腦細又好，工作環境又好（有靚女），搞到毛毛都好想9衝去台灣見工?～不過一個月嘅假都似乎太少，未必夠時間搵到真人配偶，腦細，back after fall in love！

封面圖片、資料及圖片來源：Rules Creative