聽講每個突然被上鏡嘅毛記女員工，拍之前都會講一句：「等等，我化個妝先！」到底化妝對一個女人嚟講係幾咁重要呢？毛毛唔用說話嚟答你，毛毛用例子嚟答你。

話說紐約有個27歲叫Alaha Majid嘅化妝師，佢上個月就入咗醫院待產，而就喺佢就生得、痛到阿媽都唔認得嗰陣，佢竟然......竟然拎晒成set化妝品出嚟化妝？！

佢話喎，如果遇到陣痛嘅時候就會停一停，到陣痛過咗先會繼續化，仲話帶去醫院啲化妝品都係佢平時最鍾意嗰啲嚟㗎......嗱嗱嗱，話口未完，佢又痛喇，今次仲痛到要由老公豬出手幫佢上粉?～唉，到底女人為靚，可以去到幾盡？

btw，不過都啱嘅，生bb喎，自己個bb第一次見到自己喎，梗係想畀bb睇到自己最靚嘅一面啦～最後佢都成功用到靚樣嚟生b，真係恭喜晒！

話時話，阿Alaha Majid對自己個樣咁有要求，會唔會陣間連餵奶同換片都要化個靚妝先㗎......

封面圖片及資料來源：makeupbyalaha／instagram