狗狗真係好有靈性㗎，又聰明喎，好似啲警犬咁，嗱毛毛係講緊堅﹒警犬呀下，佢哋為咗執行任務，唔介意奉獻自己嘅生命畀人類，真係好偉大！好似美國呢隻警犬咁，就喺處理一次超市行劫案期間唔小心中彈身亡。

發生呢件事之後有好多熱心市民都寫信寄畀殉職警犬嘅好拍檔Davis，表演佢哋對警犬嘅尊敬，大大話話都有成二千幾封信㗎！而其中一封仲搞到毛毛濕濕哋呀，隻眼。喂封信是咪加咗洋蔥㗎下？

呢封信其實係一個11歲嘅小妹妹寫嘅，佢見到呢單新聞之後因為心痛嗰隻中槍身亡嘅警犬，所以就決定要捐晒自己啲零用錢出嚟，贊助間警局買防彈衣畀警犬呀！

嗚哇，真係好pure好true，仲好有愛心?呀！毛毛聽講而家間警局已經開始幫七隻警犬度身，打算遲啲就幫佢哋做防彈衣！有咁多人關心自己嘅fd子，毛毛相信隻殉職警犬喺彩虹橋度都會覺得好開心啫！

封面圖片及資料來源：NYdailynews、abcnews