毛毛好鍾意睇超級英雄電影㗎！冇，自己又冇佢哋咁型，咪惟有睇電影FF下囉！唔通毛毛想自己好似美國隊長咁又靚仔又大隻又揪得，又話你知咩，唉。

最近台灣就有網民影到，有個男人竟然揹住隻鑊揸車周街走喎？唔通佢都同毛毛一樣，夢想係做美國隊長，所以揹住隻鑊cosplay？

定係食咗死貓，要揹鑊嚟表達對呢個社會嘅控訴呀？唉死貓呢樣嘢毛毛都成日食㗎啦，I know that feel 喎bro……不過話時話，呢隻鑊除咗用嚟揹之外，其實都好有用㗎！

冇錯，就係用自己嘅方式去保護自己囉！如果真係咁大吉利是撞車嘅話，有隻鑊喺下面頂住係咁轉，再順個靚便跳埋break dance都得呀 !不過揸車最重要就係安全，大家都係唔好亂學呢個台灣隊長呀知唔知！

封面圖片及資料來源：Wang Chao Hsien/‎●【爆料公社】●