毛毛以前住hall嗰陣，最鍾意就係約埋成班毒L fd子屈喺間房度打牌，打到天昏地暗，打到堂都走埋……雖然爛gpa，但係都開心嘅。所以如果你話好似呢間強國宿舍咁唔畀打牌，毛毛真係會喊出嚟㗎，嗚嗚。

強國有幾個學生都同毛毛一樣，對打牌有一種執著，就算個宿舍係嚴禁打牌佢哋都堅持自我，希望喺國粹方面有進一步嘅了解。可惜啲啪啪啪聲，實在係太大聲喇，搞到畀老師當場斷正，仲罰佢哋一人要畫一百隻一索！

你睇下佢哋係畫得幾咁像真，幾咁神似！唔講唔知以為係隻雀顯靈?呀。

樂觀啲諗，而家練定啲畫功，最難嗰隻一索都畀你畫到出嚟咯，距離畫晒成副麻雀出嚟嘅日子還遠嗎？到時無論係點樣大大力掉隻牌出嚟，都唔會有聲啦！維護中國國粹呢樣嘢，毛毛從來都係不遺餘力㗎，55！

封面圖片及資料來源：綜藝資訊網