喺日本，狐狸係神明嘅化身，所以之前有人喺日本神社見到狐狸，都開心到即刻影相放上網呃like！

不過話晒都係神明，所以佢都唔敢行得太近，陣間嚇親隻狐狸點算呢！而外國都有個網友好好彩咁遇到狐狸，仲同佢有親密接觸?呀！

喂呀你唔好一臉無辜咁望住毛毛啦，我驚自己會忍唔住大大力咁……攬實你呀嗚哇！呢個男網友就幸福啦，只不過飲醉酒，喺個車站唔覺意瞓著咗，一瞓醒就有隻咁打耳嘅狐狸咬住自己條褲喇！鍾意咪拎去囉，毛毛為咗你，唔介意褲都除埋㗎喎！

可惜最後個網友都冇講到底佢最後有冇畀到條褲隻狐狸啦，唔係毛毛真係覺得呢個係一段大好姻緣嘅開始嚟㗎！而好多網友見到佢有呢段奇遇之後，都想去搵返呢隻狐狸主角出嚟！

冇用㗎！錯過咗就係錯過咗，怪就怪自己當時唔把握啦！咦，點解講講下，毛毛眼角好似濕濕哋咁嘅……？

封面圖片來源：Shit London

資料來源：Shit London、metro

回帶：【神明顯靈】日本網民喺稻荷神社驚見真•狐狸