毛毛仲係小學雞嗰陣，阿蛇成日都叫毛毛寫埋啲唔知咩週記，唉，毛毛最多咪喺屋企玩下數碼暴龍機，有咩好寫啫......但呢個來自浙江台州嘅小學雞就唔同，佢除咗識讀書同玩之外，仲識得講故仔畀阿媽聽、幫阿媽按摩同洗腳，真係好乖豬！佢仲將之前三八婦女節氹阿媽嘅乖豬事寫晒落日記度?～

嗚嗚，但係點解毛毛睇咗一陣就覺得個心好酸咁嘅......佢話佢講故仔畀阿媽聽嗰陣，阿媽就一直掛住睇手機，令佢心情大打折扣，跟住佢諗住同阿媽講幾句祝福說話兼幫佢按下摩咁啦，點知阿媽都依然掛住睇手機......

到佢幫阿媽洗腳嗰陣，佢阿媽終於唔睇手機喇！！！不過......

唉，呢位小學雞呀，你又講故事又按摩又乜乜物物咁，你阿媽梗係唔like啦，點解？因為你拎晒啲時間嚟做呢啲乖豬事，仲邊有時間瘋狂溫書同操paper啫，你咁樣樣叫唔爭氣呀（好似係），知冇？知道仲唔快啲返出去力爭上游，55！

封面圖片及資料來源：台州晚報 

未夠灰，睇埋：【真•繁忙兒童】小學生超灰日記